რეგიონული ობლიგაციების ბაზრების მიმოხილვა
მაისში გლობალურად ობლიგაციების ფასების ვარდნა დაფიქსირდა, რადგან ინვესტორები აშშ-ირანის კონფლიქტს უკვე არა მხოლოდ გეოპოლიტიკურ რისკად, არამედ ინფლაციურ შოკად განიხილავენ. გლობალური ინდექსები შემცირდა, ხოლო აშშ-ის სახაზინო და გერმანული ბუნდების შემოსავლიანობა გაიზარდა. ეს ტენდენცია ნავთობის ფასების ზრდის რისკებმა, განაკვეთების შემცირების გადავადებამ, ფისკალურმა პრობლემებმა და ვადიანობის პრემიის ზრდამ განაპირობა.
TBCC-ის რეგიონული ობლიგაციების ბაზარი კვლავ წნეხის ქვეშ დარჩა, რაც ძირითადად გლობალური განაკვეთების ზრდითა და გრძელვადიანი ქაღალდების მიმართ სუსტი განწყობით იყო გამოწვეული. სუვერენულ სეგმენტში მთავარ რისკ-ფაქტორებად კვლავ თურქეთი და რუმინეთი მოგვევლინენ. ამის საპირისპიროდ, კორპორაციული ბაზარი უფრო სტაბილური აღმოჩნდა: ყაზახეთში, უზბეკეთსა და თურქეთში განხორციელებულმა შერჩევითმა ემისიებმა აჩვენა, რომ რთული მაკროეკონომიკური ფონის მიუხედავად, ინვესტორთა მოთხოვნა ძლიერ ემიტენტებზე კვლავ ნარჩუნდება.
ქართული ევროობლიგაციები შედარებითი მდგრადობით გამოირჩეოდა: საქართველოს სუვერენული სპრედი დოლარის ბენჩმარკთან მიმართებით კიდევ უფრო შემცირდა და განვითარებადი ბაზრების (EM) ფონზე ისტორიულ მინიმუმზე ნარჩუნდება.